زائرین کا منفرد حسینی قافلہ

جب انسان کے اندر عقیدت کے تئیں حوصلہ اور جذبہ ہو تو وہ انسان بڑی سے بڑی کامیابی حاصل کرسکتا ہے۔ انسان کے اندر کبھی بھی اور کسی بھی وقت اور کسی بھی عمر میں کچھ نیا کرنے کا حوصلہ اور جذبہ پیدا ہو سکتا ہے۔

ریاست اترپردیش کے ضلع سنبھل کے سرسی سادات کی درگاہ زینب رحمۃ اللہ علیہ سے ایک قافلہ تقریبا صبح سات بجے سے ریاست اترپردیش ضلع بجنور کے نجیب آباد کے نزدیک درگاہ عالیہ نجف ہند جوگی پورہ روانہ ہوا۔

اس قافلے کے قافلہ سالار جناب ماہر عباس نے بتایا کہ ہمارے اس قافلے میں تقریبا 35 سے 40 زائرین موجود ہیں جو کہ سرسی سے درگاہ جوگی تک پیدل چل کر تقریبا ایک سو تیس کلومیٹر کا سفر طے کریں گے اور درگاہ پہنچیں گے۔ پچھلے سال بھی یہ حسینی قافلہ سرسی سے چل کر جوگی پورہ درگاہ پہنچا تھا۔

اس قافلے کا مقصد حضرت علی کرم اللہ وجہ کے پیغام کو عام کرنے کے ساتھ ملک بھر میں بھائی چارہ اور محبت کا پیغام دینا ہے۔