ملک گیر سطح پر جاری لاک ڈاؤن کی وجہ سے مختلف ریاستوں میں پھنسے یومیہ اجرت پر کام کرنے والے مزدور، سیاحوں، طلبا اور دوسرے لوگوں کی واپسی کے لیے انتظامیہ کی جانب سے خصوصی ٹرین کا نظم کیا گیا ہے۔
اس ضمن میں اترپردیش کے مختلف اضلاع میں پھنسے کشمیری طلبا اور دیگر لوگوں کے لیے بھی خصوصی ٹرین کا انتظام کیا گیا۔
ایس پی ٹریفک ستیش چندر کے مطابق، مرادآباد سے 11 اضلاع کے 435 مسافروں کو ادھمپور کے لیے روانہ کیا گیا۔ جبکہ میرٹھ سٹی سے ٹرین سہارن پور، امبالا، لدھیانہ کے راستے ادھم پور (جموں و کشمیر) تک جائے گی جس میں سات سو پچاس مسافر سوار ہوئے۔ انہوں نے مزید کہا سبھی مسافرین کی طبی معائنہ کرکے بعد انہیں 8 ڈبوں میں بٹھایا گیا، مزید سیکیورٹی کا بھی نظم کیا گیا۔
خصوصی ٹرین میں مرادآباد کے علاوہ شاہجہان پور، پیلی بھیت، لکھیم پور کھیری ضلع کے کشمیری مسافروں مرادآباد ہی سے سوار ہوئے۔
اس موقعے پر کچھ مسافرین نے حکومت کے فیصلے کا خیرمقدم کرتے ہوئے شکریہ ادا کیا۔
