اتر پردیش کے ضلع مراد آباد کے منجھولہ تھانہ حلقہ کے تحت بدھ وہار کالونی کی کی رہنے والی گیتا اپنی دکان جا رہی تھیں، اسی درمیان بائک سوار دو جرائم پیشہ لوگوں نے اس کا پرس چھین لیا۔
گیتا نے ملزمین کی مخالفت کی لیکن وہ کامیب نہیں ہو سکی۔ مقامی لوگوں کی مدد سے پولیس کو اطلاع دی گئی، جس کے بعد جائے واردات پر پولیس پہنچی۔
کاسمیٹک کی دکان چلانے والی گیتا کے مطابق لاک ڈاؤن کے بعد آج وہ دکان کا کرایہ ادا کرنے کے لئے جا رہی تھی لیکن اسی درمیان جرائم پیشوں نے اس کا پرس چھین لیا۔
اس واردات کے بعد علاقے میں سنسنی پھیل گئی ہے اور سخت سکیوریٹی انتظامات کے باوجود جرائم پویشوں کے ذریعہ واردات کو انجام دینے سے لوگ مشتعل ہیں۔
گیتا نے بتایا کہ اس کے پرس میں پانچ ہزار روپئے، موبائل فون اور کچھ ضروری دستاویز تھے۔
مقامی لوگوں کی اطلاع پر پہنچی پولیس نے واردات کا سی سی ٹی وی فوٹیج نکال کر جرائم پیشوں کی تلاش شروع کر دی ہے۔
