مرادآباد میں آل انڈیا کسان یونین کا مظاہرہ

ایوان میں زراعتی اصلاحات کے متعلق بل کی منظوری کی مخالفت میں کسانوں نے احتجاج کیا۔

اتر پردیش کے مرادآباد کے ضلع کلکٹریٹ دفتر کے باہر آج بھارتیہ کسان یونین نے اپنے مختلف مطالبات اور ایوان میں زراعتی اصلاحات کے متعلق بل کی منظوری کی مخالفت میں احتجاج کیا اور ڈی ایم راکیش کمار کے ذریعہ ایک میمورنڈم وزیر اعظم نریندر مودی کو بھیجا۔

کاشتکاروں نے احتجاج کے دوران اپنی آواز کو بلند کرتے ہوئے کہا زراعتی بل مرکزی حکومت کو نہیں لانا چاہئیے تھا۔ موجودہ حکومت کاشتکاروں کو گنا کی رقم کی ادائےگی وقت پر نہیں کر رہی ہے۔ لاکھوں روپے کا گنا بقایا سرکار پر رکا ہوا ہے۔ حکومت کو کسانوں کا قرض معاف کرنا چاہئیے، جس طرح سے مہاراشٹر حکومت نے کسانوں کا قرض معاف کیا ہے۔

ایوان میں زراعتی اصلاحات کے متعلق بل کی منظوری کی مخالفت میں کسانوں نے احتجاج کیا۔

کسانوں نے کہا کہ اس حکومت میں کاشتکاروں کا برا حال ہے۔ بھارتیہ کسان یونین کے رہنما نے کہا کہ اگر بی جے پی حکومت کاشتکاروں کے لئے فائدہ مند منصوبے نہیں لاتی ہے اور اسی طرح نئے نئے بل منظور کر کسانوں کے خلاف جائے گی تو آئندہ دنوں میں انتخاب میں اس حکومت کو کسانوں کا ووٹ نہیں ملے گا۔ انہوں نے کہا کہ ہم حکومت بنا سکتے ہیں تو ہم اسے گرا بھی سکتے ہیں۔