ریاست اتر پردیش کے ہمیر پور ضلع میں بدھ کو کورونا کے 22 نئے مثبت معاملات کی تصدیق کے ساتھ ہی ضلع میں متاثرین کی تعداد بڑھ کر 480 ہوگئی ہے۔
چیف میڈیکل آفیسر ڈاکٹر آر کے سچان نے بتایا کہ آج موصول ہوئیں جانچ رپورٹس میں 22 نئے معاملے سامنے آئے ہیں۔
انہوں نے بتایا کہ نئے متاثرین میں سات کُرارا علاقے سے، دس مودہا اور پانچ راٹھ علاقے سے ملے ہیں۔ ضلع میں 480 متاثرہ افراد میں سے ابھی تک 12 کی موت ہو چکی ہے جبکہ 377 مریض صحت یاب ہو چکے ہیں۔ ضلع میں اس وقت 91 کورونا پازیٹیو ہیں۔
انہوں نے بتایا کہ ضلع میں ابھی تک 32 ہزار 582 لوگوں کے نمونوں کی جانچ ہو چکی ہے۔ نئے متاثرین کے رابطے میں آنے والوں کی شناخت کرکے ان کے نمونے لینے کا کام جاری ہے۔
