ریاست اترپردیش میں سنیکت راجیہ کرمچاری سنگھ کی جانب سے ملازمین نے آج ایک دن کی ہڑتال کی، یونین کے تمام ذمہ داران نے اپنے مطالبات کو لیکر ضلع کلکٹریٹ پر اپنی بقیہ پینشن کی بحالی کے ساتھ مختلف شعبوں کی نجی کاری کے خلاف احتجاج کیا۔
یوپی سنیکت راجیہ کرمچاری سنگھ کے مطابق ریاست میں آج ایک دن کی ہڑتال کا اعلان کیا گیا تھا، اسی کے تحت آج میرٹھ میں بھی ملازمین یونین کے تمام ذمہ داران نے ضلع کلکٹریٹ دفتر کے باہر حکومت کی نئی پالیسیز کے خلاف احتجاج کیا۔
یونین کے رہنما کے مطابق جب تک ملازمین کی بقیہ پینشن کی بحالی نہیں ہوتی اور اس کے علاوہ سرکاری محکموں کی نجکاری کے فیصلے کو حکومت فوری طور پر واپس نہیں لیتی ہے تب تک ہم احتجاج کرتے رہینگے۔
انھوں نے مزید کہا کہ اور اگر حکومت ہمارے مطالبات کو تسلیم نہیں کرتی ہے تو ملک گیر پیمانے پر تحریک چلا کر حکومت کے خلاف آواز بلند کرینگے اور آنے والے انتخابات میں حکومت کو اقتدار سے بے خل بھی کرنے کا کام کرینگے۔
