میرٹھ: اب ریاست سے باہر کے لوگوں کا ویکسیشن نہیں ہوگا

ملک بھر میں کورونا ویکسین کی کمی کا اثر دلّی اور ہریانہ میں بھی نظر آ رہا ہے۔ حالات یہ ہے کہ لوگوں کو کوویکسین کی دوسری ڈوز لینے کے لئے میرٹھ میں سلاٹ بک کرانا پڑ رہا ہے۔ وہیں اب محکمہ صحت نے ہدایت جاری کرتے ہوئے صرف انہیں لوگوں کو ویکسین لگانے کی بات کہی ہے جو لوگ یوپی کے باشندہ ہیں یا یہاں کسی کام سے رہ رہے ہیں۔

یوپی میں حکومت کی جانب سے سبھی مقامی لوگوں کو ویکسین مفت دینے کے اعلان کے بعد اب دوسرے صوبوں میں ویکسین کی قلت کو دیکھتے ہوئے لوگ میرٹھ آکر سلاٹ بک کرا رہے ہیں۔ ذرائع کے حوالے سے مِل رہی خبروں کے مطابق دلّی اور ہریانہ میں کو ویکسین کی پہلی ڈوز لینے کے بعد اب ویکسین کی کمی کے سبب دوسری ڈوز کے لیے لوگ یو پی میں قریب کے شہروں میں ویکسین کے لیے سلاٹ بُک کرا رہے ہیں۔

میرٹھ میں جس طرح سے محکمہ صحت ویکسینیشن کو لیکر سنجیدہ ہے وہیں وہ اب کسی باہری شخص کو ویکسین نہ لگانے کی بات بھی کہہ رہا ہے۔ اس کا مقصد بھی یہی ہے کہ پہلے مقامی لوگوں کو ویکسین لگایا جائے تاکہ کورونا انفیکشن کسی بھی صورت میں پھیل نہ سکے۔