میرٹھ: جشن عید میلادالنبیﷺ جلوس نکالنے کے لئے انتظامیہ سے اجازت کا مطالبہ

اترپردیش کے میرٹھ میں عید میلادالنبیﷺ کا جلوس سال نکالا جاتا تھا، لیکن گزشتہ دو سال سے یہ سلسلہ منقطع ہوا ہے۔ اب کورونا وبا کے بدلے حالات میں جلوس محمدی کی اجازت انتظامیہ سے کی گئی ہے۔

میرٹھ: 12 ربیع الاول کو جشن عید میلادالنبیﷺ کے موقع پر میرٹھ میں بھی جلسوں کا انعقاد کیا جاتا ہے، ساتھ ہے درگاہ حضرت بالے میاں سے جلوس محمدیﷺ برآمد کیا جاتا ہے، تاہم گزشتہ دو سالوں سے اجتماعی جلسوں اور جلوسوں کے انعقاد کا سلسلہ منقطع ہے لیکن اس سال کووڈ کے معاملوں میں کمی اور حالات کے بہتر ہونے کے سبب جلوس کی اجازت ملنے کی امید کی جارہی ہے۔

میرٹھ میں بھی جشن عید میلادالنبیﷺ کی تیاریوں کے سلسلے میں سیرت کمیٹی کی جانب سے ضلع اور پولیس انتظامیہ سے جلسوں اور جلوسوں کے انعقاد کی اجازت طلب کی گئی ہے، سیرت کمیٹی کے ذمہ داران کا کہنا ہے کہ جس طرح رام لیلا رام بارات اور دسہرے کے پروگراموں کے انعقاد کی اجازت اس سال دی گئی ہے اسی طرح جلوس محمدی برآمد کرنے کی اجازت ملنے کی امید بھی کی جارہی ہے۔

ربیع الاول جشن عید میلاد النبی کے موقع پر اور جُلوس محمدی برآمد کرنے کی اجازت کا مطالبہ کررہی سیرت کمیٹی حضرت بالے میاں درگاہ کا کہنا ہے کہ انتظامیہ کی جانب سے اجازت نہیں ملنے کی صورت میں کووڈ 19 کا خیال رکھتے ہوئے محدود دائرے میں جشن عید میلادالنبیﷺ کے پروگرام کیے جائیں گے۔