ریاست اتر پردیش کے ضلع میرٹھ میں این ایس یو آئی کی جانب سے پٹرول ڈیزل اور گیس کی قیمتوں میں ہورہے اضافے کے خلاف احتجاج کیا گیا۔ مذکورہ تنظیم سے جڑے کارکنان کا کہنا ہے کہ مہنگائی سے ہر عوام و خاص کو مشکلات کا سامنا کرنا پڑرہا ہے۔ ایسے میں گھر کے اخراجات کو پورا کرنے میں بھی پریشانی ہورہی ہے۔
آج میرٹھ کے کمشنری چوراہے پر نیشنل اسٹوڈینس یونین آف انڈیا کے کارکنوں نے موٹر سائیکل کو رکشہ میں رکھ کر مختلف انداز میں مرکزی حکومت کے خلاف اپنی ناراضگی درج کرائی۔
کارکنان کا کہنا ہے کہ پٹرول 100 روپیہ کے پار پہنچ چکا ہے جبکہ ڈیزل بھی سینچری لگانے کو تیار ہے۔ ایسے میں عوام کو مہنگائی کے سبب مشکلات پیش آرہی ہے۔
انہوں نے مرکزی حکومت سے اپیل کی ہے کہ فوری طور پر تیل کی قیمتوں کو کم کرے۔ نہیں تو این ایس یو آئی کے کارکنان مودی حکومت کے خلاف بڑے احتجاج کریں گے۔
