یونیورسٹی کے سالانہ جلسہ میں طلبا کو سرٹیفکیٹ دیا گیا جبکہ نمایاں نمبرات حاصل کرنے والے طلبا کو تمغوں سے نوازا گیا، تمغے حاصل کرنے والوں میں بیشتر لڑکیاں ہیں۔
سالانہ جلسہ تقسیم اسناد میں اتر پردیش کی گورنر آنندی بین پٹیل نے خطاب کرتے ہوئے کہاں کہ افسران اور طلباء چھوٹے بچوں کو گود لیں اور ان کی مدد کرنے میں حکومت کی مدد کریں۔
انہوں نے خواتین کے استحصال سےمتعلق کئی فرسودہ روایات کا ذکر کرتے ہوئے کہا کہ موجودہ جدید دور میں بھی بھی خواتین پر مظالم کم نہیں ہو رہے ہیں جو کافی افسوسناک ہے۔
انہوں نے مرکزی حکومت کی حصولیابیوں کا ذکر کرتے ہوئے کہا کہ بیٹی بچاؤ بیٹی پڑھاؤ کا نعرہ نریندر مودی نے دیا تھا یہی وجہ ہے کہ آج لڑکیاں ہر میدان میں آگے جا رہی ہیں۔
آنندی بین نے طلبا سے درخواست کی کہ وہ وزیراعظم کے پروگرام من کی بات سنیں۔
اترپردیش کے ضلع میرٹھ کی چودھری چرن سنگھ یونیورسٹی میں 31 ویں تقسیم اسناد کے موقع پر آنندی بین پٹیل نے کہا کہ بھارتی عوام ٹی بی جیسی خطرناک بیماری سے برسوں سے نبردآزما ہے اور اقوام متحدہ کے اجلاس میں پوری دنیا کے رہنماؤں نے سنہ 2030 تک ٹی بی جیسی بیماری سے نجات حاصل کرنے کا عزم کیا ہے لیکن بھارتی وزیراعظم نریندر مودی نے بھارت کو 2025 تک ٹی بی سے نجات دلانے کا عزم کیا ہے۔
اس موقع پر انہوں نے چھٹی جماعت سے آٹھویں جماعت کے طلباء وطالبات کو کتابیں اور کھانا تقسیم کیا۔ اس پر کہا کہ اس کا اہم مقصد یہ ہے کہ بچوں میں آگے بڑھنے کی ذہن سازی کی جائے۔
