ریاست اترپردیش کے ضلع میرٹھ میں جمیعت علماء ہند کی جانب سے وسیم رضوی کے قرآن مجید میں ترمیم و تحریف کے خلاف احتجاجی مظاہرہ کیا گیا۔
اس ضمن میں جمعیت کی جانب سے ضلع کلکٹر کو ایک میمورنڈم بھی دیا گیا جس میں حکومت ہند سے وسیم رضوی کو فورا گرفتار کرنے کا مطالبہ کیا گیا۔
واضح رہے کہ قرآن مجید میں ترمیم کر 26 آیات کے بغیر قرآن مجید کو تحریر کرکے اس کو منظر عام پر لانے کے لیے شیعہ وقف بورڈ کے سابق چیئرمین وسیم رضوی نے وزیراعظم سے درخواست بھی کی ہے۔
جمعیت نے حکومت ہند سے مطالبہ کرتے ہوئے کہا کہ قرآن میں مداخلت کرنے والے وسیم رضوی کو گرفتار کرکے اس کو ایسی سزا دی جائے تاکہ زندگی میں دوبارہ پھر کوئی شخص کسی مذاہب کی کتاب کی بے حرمتی نہ کر سکے۔
شیعہ مسلک سے تعلق رکھنے والے وسیم رضوی کی نا زیبا حرکت سے شیعہ مسلک کے لوگ ہی نہیں بلکہ تمام فرقوں کے لوگوں میں ناراضگی پائی جارہی ہے۔
