محکمہ ڈاک کی جانب سے رکشا بندهن کے پیش نظر خاص لفافہ

کورونا وبا کے سبب رواں برس کا تہوار بھی پھیکا پڑتا جا رہا ہے، لاک ڈاؤن کے سبب لوگوں کے کہیں جانے آنے پر بھی کسی حد تک پابندی عائد ہے، رکشا بندھن تہوار کے پیش نظر محکمہ ڈاک نے بھائیوں تک راکھیاں پہنچانے کے لیے خاص انتظامات کیے ہیں۔

ریاست اترپردیش کے ضلع میرٹ میں رکشا بندهن پر بہنوں کی راکھی بھائیوں تک پہنچانے کے لیے محکمہ ڈاک نے خاص لفافہ تیار کیا ہے جو پورے طور پر واٹر پروف ہے اور لفافے پر راکھی کی تصویر بھی بنی ہوئی ہے۔

کوروناوائرس کے پیش نظر محکمہ ڈاک کی جانب سے راکھی کی اہمیت كو سمجھتے ہوئے ایک خاص لفافہ تیار کیا گیا۔ لمبی مسافت کے سبب ڈاک كو وقت پر پہنچا نے کے لیے بھی محکمہ ڈاک نے خاص انتظام کیے ہیں۔

محکمہ ڈاک کے ذریعے بھائیوں تک راکھیاں پہنچانے کے انتظام سے بہنیں کافی خوش ہیں، انہیں امید ہے کہ اب ان کی راکھی بھائیوں تک با حفاظت پہنچے گی اور وقت پر پہنچیں گی۔