میرٹھ میں مریضوں کی تعداد میں اضافہ، اسپتال میں بد نظمی برقرار

اترپردیش میں ان دنوں وائرل بخار تیزی کے ساتھ پھیل رہا ہے۔ سرکار کا دعوی ہے کہ اس کے لیے تیاری مکمل ہے، لیکن میرٹھ کے ضلع ہسپتال میں بد انتظامی کی وجہ سے مریضوں کو پریشانیوں کا سامنا کرنا پر رہا ہے۔ دیکھیے خاص رپورٹ

میرٹھ: اتر پردیش میں وائرل بخار کے ساتھ، ڈینگو پھیلنے کا سلسلہ جاری ہے۔ میرٹھ میں محکمہ صحت اور ضلع انتظامیہ کی جانب سے انتظامات کیے جا رہے ہیں۔ لیکن سرکاری اسپتالوں میں عملے کی کمی مریضوں اور ان کے تیمارداروں کے لیے مشکلات پیدا ہو رہی ہیں۔

میرٹھ کے ضلع اسپتال میں صبح آٹھ بجے پرچہ بنوانے کے لیے جیسے ہی کاونٹر کھلتا ہے، لوگوں کی طویل قطاریں لگ جاتی ہیں۔

اپنوں کو ہسپتال لے جاتے ہوئے تیمہا دار

موسمی بخار اور ڈینگو بخار کی وجہ سے او پی ڈیز میں مریضوں اور تیمہ داروں کی لمبی قطاریں نظر آتی ہیں۔ ضلع اسپتال میں ہر روز تقریباً 1200 سے 1500 مریض آتے ہیں، لیکن سرکاری ہسپتال میں ڈاکٹروں کے علاوہ طبی عملے کی کمی کی وجہ سے مریضوں اور تیمارداروں کو سب سے زیادہ پریشانیوں کا سامنا کرنا پڑتا ہے۔

بچے کو لے کر پریشان خاتون

ضلع اسپتال کے چیف میڈیکل سپرنٹنڈنٹ کا کہنا ہے کہ اس وقت او پی ڈی میں مریضوں کی غیر معمولی تعداد کے باوجود اسپتال کے ڈاکٹر اور نرسنگ اسٹاف اپنی ڈیوٹی پوری مستعدی سے سرانجام دے رہے ہیں۔

ہسپتال میں قطار بند خواتین

میرٹھ شہر کے غریبوں کے علاج کا بنیادی ذریعہ ضلع گورنمنٹ ہسپتال ہے، جہاں عملے کی کمی ہے۔ لہذا ان تمام پریشانیوں کے باوجود غریب اور ضرورت مند لوگ سرکاری اسپتالوں سے رجوع کرنے پر مجبور ہیں۔