ریاست اترپردیش کے ضلع میرٹھ کے سردھنا تحصیل میں سلنڈر پھٹنے سے دو افراد کی موت ہوگئی اور اس حادثہ میں تقریبا آدھادرجن افراد زخمی ہو ئے ہیں۔اور کئی گھر تباہ و برباد ہوگئے ہیں۔
اطلاع کے مطابق اس حادثہ کے سبب ہوئے دھماکہ کی آواز دور تک سنی گئی۔اس دھماکہ میں کئی مکان تباہ وبرباد ہوگئے ہیں۔ زخمیوں كو میرٹھ شہر کے ہسپتال ریفر کر دیا گیا ہے۔
میرٹھ کے سردھنا تحصیل محلہ پیر زادگان میں پیش آئے اس حادثہ میں دو دوست عاصم اور قاسم کی موقع پر ہی موت ہو گئی، جبکہ بقیہ لوگ شدید زخمی یوئے ہیں۔
سرکل افسر سردھنا آر کے شاہ نے بتایاکہ' ایک مکان میں گیس رسنے کی وجہ سے آگ لگی، اور تباہی ہوئی لیکن ابھی معاملے کی تفتیش جاری ہیں، اصل واقعہ تفتیش کے بعد ہی سامنے آ سکے گا۔
مزید پڑھیں:
اس حادثہ کے بعد مقامی لوگوں کے علاوہ کثیر تعداد میں پولیس اہلکاروں نے ریسکیو کے ذریعے ملبے میں دبے افراد كو باہر نکالا ہے، فی الحال معاملے کی تفتیش جاری ہے۔
