میرٹھ میں کورونا انفیکشن کے خطرے اور مریضوں میں آکسیجن کی آ رہی کمی کے پیش نظر بی جے پی اور ہندو تنظیم بجرنگ دل و وشو ہندو پریشد کے لوگوں نے شہر کی پچھڑی آبادی والے علاقوں میں ہنومان چالیسا کے ساتھ ہَون اور دھونی کے دھوئیں سے فضاء کی آلودگی کو ختم کرنے کی بات کہی۔
ان کا کہنا ہے کہ کورونا کے انفیکشن کو ختم کرنے و فضائی آلودگی کو دور کرنے کے لیے گائے کے گوبر سے بنے اپلے گائے کے گھی کے ساتھ اور دوسری ہَون سامگری کے دھوئیں اور شنخ ناد سے آکسیجن کی کمی کو دور کیا جا سکتا ہے۔ اس لیے وہ دھونی یاترا نکال رہے ہیں تاکہ جلد سے جلد کورونا کے انفیکشن کو ختم کیا جا سکے۔
ہمارے ملک میں جس طرح سے کورونا انسانی زندگی کے لئے خطرہ بنا ہوا ہے، اس کو دیکھتے ہوئے مذہبی تنظیموں کی جانب سے کورونا کے انفیکشن کو ختم کرنے کے لیے اس طرح کے ٹوٹکے کرنے کے بجائے اگر اس بچنے کے فارمولے پر دھیان دیا جائے تو بھی کورونا کا خاتمہ کیا جا سکتا ہے۔
