ریاست اترپردیش کے ضلع میرٹھ کے کسانوں کا کہنا ہے کہ دہلی میں کسان احتجاج کے سبب سبزیوں کی سپلائی نہ ہونے سے سبزی کی قیمتوں میں بے انتہا کمی ہوئی ہے جبکہ عوام تھوک کے بھاؤ سبزیاں خرید رہے ہیں۔
زرعی قوانین کے پیش نظر دہلی میں کسانوں کے احتجاجی مظاہرے اور روڈ جام سے جہاں دہلی میں دوسری اشیا کے علاوہ سبزیوں کی سپلائی پر بھی اس کا اثر دیکھا جارہا ہے وہیں مغربی اترپردیش میں پیدا ہونے والی سبزی کی سپلای رکنے سے ان کی قیمتوں میں بھی گراوٹ جاری ہے جس کی وجہ سے عوام اب سبزیوں کو تھوک کے بھاؤ میں خرید رہے ہیں۔
واضح رہے کہ ذرعی قوانین کے خلاف کسانوں کے احتجاج کا اثر بازار کے علاوہ منڈیوں پر بھی دیکھا جاسکتا ہے۔
ایک طرف جہاں دہلی میں سبزی کی سپلائی متاثر ہونے سے وہاں سبزیوں کی قیمتوں میں غیر معمولی اضافہ ہوا ہے۔ وہیں مغربی اترپردیش کے دوسرے اضلاع کے ساتھ میرٹھ کی سبزی منڈیوں میں بھی کمی درج کی جارہی ہے جس کی وجہ سے عوام کو سستی سبزیاں خریدنے کو مل رہی ہے۔
واضح رہے کہ کسانوں کو ان کی سبزیوں کی قیمت کا واجب دام نہ ملنے کے ساتھ ہی مزدوروں کو بھی اس کا نقصان اٹھانا پڑ رہا ہے۔
زرعی قوانین کے خلاف کسانوں کے احتجاج سے جہاں دہلی کے عوام مہنگی سبزی خریدنے پر مجبور ہیں۔ وہیں میرٹھ میں عوام کو عرصے بعد مہنگائی کے دور میں سستی سبزی مل رہی ہے۔
ان سب کے باوجود اپنے حق کی لڑائی میں جہاں ایک طرف کسان احتجاج کر رہا ہے۔ وہیں کسان اپنی سستی سبزی بیچنے کو بھی مجبور ہے۔
