چودھری چرن سنگھ یونیورسٹی میں گذشتہ سال کی طرح اس مرتبہ بھی مڈل حاصل کرنے والوں میں لڑکیوں نے لڑکوں پر بازی ماری۔ جلسہ تقسیم اسناد میں گولڈ مڈل حاصل کرنے والے طلبا کے مقابلے طالبات کی تعداد کافی زیادہ رہی۔
اس موقع پر گوورنر آنندی بین پٹیل نے تعلیم کی اہمیت کا ذکر کرتے ہوئے سماج اور ملک کے لئے اسکی ضرورت اور اہمیت بیان کی اور گولڈ مڈل حاصل کرنے والی طالبات نے اپنی اس کامیابی پر خوشی کا اظہار کرتے ہوئے اپنے والدین اور اساتذہ کا شکریہ ادا کیا۔
موجودہ حالات میں مشکلات اور گمراہی کا شکار نہ ہوتے ہوئے تعلیم کا اپنے حق میں استعمال کے ساتھ ملک اور سماج کی ترقی کے لئے نئی نسل کو پیغام بھی دیا۔
پروگرام میں مہمان خصوصی کے طور پر یوپی کے نائب وزیر اعلیٰ دنیش شرما نے شرکت کی اور کہا کہ رسرچ کے شعبہ کو اور زیادہ وسیع کرنے کی کوشش جاری ہے تاکہ طلباء زیادہ سے زیادہ ریسرچ کرکے سائنس اور تعلیم کے شعبے میں نام روشن کر سکے اس کے علاوہ انہوں نے حکومت کی جانب سے کیے جارہے ترقیاتی کاموں کا ذکر کرتے کہا کہ اتر پردیش اب ترقی کی راہیں طے کر رہا ہے اور آنے والے وقت میں مغربی اتر پردیش کے ساتھ میرٹھ کو دہلی سے جوڑنے کے لیے ملک کی پہلی ریپیڈ ٹرین کا کام بھی تیزی سے جاری ہے۔
میرٹھ یونیورسٹی کے 33 وی تقسیم اسناد تقریب میں ٹاپر طلبا اور طالبات کو تمغوں اور اسناد سے نوازا گیا۔ وہیں اس مرتبہ بھی لڑکوں سے بازی مار لے گئی لڑکیوں کا کہنا ہے کہ وہ آج جس مقام پر پہنچی اس کےلیے وہ اپنی جیسی دوسری لڑکیوں کو بھی آگے لانے کی کوشش کریں گی تاکہ وہ زندگی کے کسی بھی شعبے میں پیچھے نہ رہ سکے۔
