ضلع میرٹھ کے بوڈھانا گیٹ پولیس چوکی کے سامنے کانگریسی کارکنان نے بی جے پی کے رکن پارلیمنٹ سادھوی پرگیہ سنگھ ٹھاکر کے بیان کی مخالفت میں احتجاجی مظاہرہ کیا۔
احتجاجی مظاہرہ کے دوران کانگریسی کارکنان نے پرگیہ سنگھ کا پتلا نذرآتش کیا اورنعرے بازی بھی کی گئی۔
ضلعی کانگریس کمیٹی کے صدر اونیش کاجلہ اور میرٹھ شہر کانگریس پارٹی کے صدر زاہد انصاری کا کہنا ہے کہ مہاتما گاندھی کے قاتل گوڈسے کے عقیدت مند پرگیہ ٹھاکر نے ملک کی توہین کی ہے، مہاتما گاندھی جی کی 150 ویں یوم پیدائش کے موقع پر وزیر اعظم کی گزارش کے برخلاف بابائے قوم مہاتما گاندھی کی توہین کی گئی ہے۔
انہوں نے مطالبہ کیا ہے کہ صدر جمہوریہ فوری طور پر پرگیا سنگھ ٹھاکر کو بھی رکن اسمبلی سے برطرف کریں اور پرگیہ سنگھ ٹھاکر پرغدار وطن کا مقدمہ درج کرکے جیل بھیجا جائے۔
واضح رہے کہ مالیگاؤں بم دھماکے کی ملزمہ اور بی جے پی کی رکن پارلیمان سادھوی پرگیہ سنگھ ٹھاکر نے گوڈسے کو پارلیمنٹ میں محب وطن قرار دیا تھا۔
