یوگی حکومت پروعدہ خلافی کا الزام

سماج وادی پارٹی کے سربراہ اکھلیش یادو نے اترپردیش کی بی جے پی حکومت پر نکتہ چینی کرتے ہوئے کہا کہ 'جو وعدے عوام سے کیے گئے تھے، ان میں سے ایک بھی پورا نہیں ہوا۔'

انہوں نے کہا کہ 'اترپردیش میں کوئی ترقیاتی کام نہیں ہو رہا ہے اور نہ ہی ہونے کے امکانات ہیں۔'
لکھنؤ میں پیر کے روزسماج وادی پارٹی کے قومی صدر اکھلیش یادو کی موجودگی میں بہوجن سماج پارٹی کے مختلف رہنما اور کارکنان نے شمولیت کی۔'

اس موقع پر انہوں نے کہا کہ 'ریاست میں کاشت کار خودکشی کرنے کے لیے مجبور ہیں، نوجوان بے روزگار ہیں، بڑی بڑی ملٹی نیشنل کمپنیاں مندی کی مار سے بے حال ہیں، لیکن بی جے پی حکومت ان سب باتوں کو ماننے کے لیے تیار نہیں ہے۔انھوں نے کہا کہ ریاست میں نہ گائے اور نہ ہی کاشت کار محفوظ ہے۔ انہوں نے کہا کہ بی جے پی حکومت گنگا ندی کی صفائی کے لیے بڑی بڑی باتیں کرتی تھی لیکن آج تک گنگا کی صفائی نہیں ہو سکی۔اس کے برعکس ایسے حالات بنائے گئے ہیں جس کی وجہ کوئی بڑی ملٹی نیشنل کمپنی اترپردیش میں آنے کے لیے تیار نہیں ہے۔انہوں نے یوگی حکومت پر تنقید کرتے ہوئے کہا کہ لکھنؤ میں بہت ساری ایسی عمارتیں ہیں جو ناجائزاورغیر قانونی ہیں، لیکن حکومت اس کے خلاف کوئی کاروائی نہیں کرتی، دوسری جانب سماج وادیوں کے خلاف انتقامی کاروائیاں کررہی ہے،انھوں نے کہا کہ حکومت نے جوہر یونیورسٹی اورکالج کو بدنام کرنے کے لیےسماج وادی رہنما اعظم خاں پرجھوٹے الزامات لگاکر اپوزیشن جماعتوں کو ڈرانا چاہتی ہے۔