ریاست اتر پردیش کے ضلع بدایوں میں بدھ کو پولیس نے مڈبھیڑ میں ایک انعامی بدمعاش کو گرفتار کیا ہے۔
سینئر سپرنٹنڈنٹ آف پولیس اشوک کمار ترپاٹھی نے بتایا کہ وناور تھانہ علاقے میں پولیس کو اطلاع ملی تھی کہ گھٹ پوری میں دو بدمعاش لوٹ کی اشیاء فروخت کر رہے ہیں اور ریلوے اسٹیشن کے نزدیک کھڑے ہیں۔ اطلاع کی بنیاد پر پولیس موقع پر پہنچی تو بدمعاشوں نے ٹیم پر فائرنگ کی جس میں ایس او وناور راجیو کمار زخمی ہوگئے۔
انہوں نے بتایا کہ پولیس کی جانب سے کی گئی جوابی کارروائی میں ایک بدمعاش بھی گولی لگنے سے زخمی ہو گیا، جسے پولیس نے گرفتار کر لیا۔ گرفتار راشد پر 25ہزار روپئے کا انعام تھا۔
زخمی ایس او اور بدمعاش کا ضلع اسپتال میں علاج چل رہا ہے۔
