پورڈ نے ضلع بارہ بنکی کے تمام امتحانی مراکز کو ایک کنٹرول روم سے جوڑا ہے اور انٹرنیٹ کے ذریعہ یہاں ان کی نگرانی ہوگی۔ فی الحال یوپی کے پری بورڈ امتحان میں اس کی رہرسل کی جا رہی ہے اور آئندہ بورڈ امتحانات میں اسے نافذ کیا جائے گا۔
قابل ذکر ہے کہ یوپی بورڈ کے امتحانات میں مرکز بنائے جانے والے اسکولوں میں پہلے سے ہی سی سی ٹی وی کیمرے ہیں۔ گزشتہ برس ان میں وائس ریکارڈر بھی لگائے گئے تھے۔ لیکن اس کے باوجود نگرانی آسان نہیں تھی۔
نئے نظام سے امتحانی مراکز کی نگرانی اس کنٹرول روم کے ذریعہ ریاستی سطح تک ہوگی۔ کنٹرول کے علاوہ ضلع کے اعلی افسران اس کنٹرول روم کو موبائیل میں بھی ایکسیس کر سکیں گے۔ یوپی کے بورڈ امتحانات میں نقل پر نکیل تو کافی برسوں سے ہے لیکن نئے نظام سے نقل کرنے اور کرانے کے امکانات نہ کے برابر ہوں گے۔
اسکول انتظامیہ بھی اس نئے نظام سے خاصہ خوش ہیں۔ محکمہ ثانوی تعلیم کی کوشش ہے کہ امتحانی مراکز کو اس کنٹرول سے جوڑنے کے بعد تمام اسکولوں کو اس سے جوڑا جائے تاکہ تعلیمی نظام کی نگرانی بھی کسی بھی وقت اور کہیں سے کی جا سکے۔
