یوپی کے محکمہ صحت نے کورونا وائرس سے متاثرہ مریضوں کی تازہ رپورٹ جاری کردی ہے۔ محکمہ صحت کے ڈائریکٹر جنرل ڈاکٹر رکومکیش نے بتایا کہ گذشتہ 24 گھنٹوں کے دوران 94 نئے مریضوں میں کورونا وائرس کے انفیکشن کی تصدیق ہوگئی ہے۔ اس کے بعد سے ریاست میں اب کورونا سے متاثرہ مریضوں کی تعداد 1604 ہوگئی ہے۔
ڈائریکٹر جنرل نے بتایا کہ ریاست کے 57 اضلاع کورونا سے متاثر ہوئے ہیں۔ ریاست کے مختلف اضلاع سے اب تک 24 افراد ہلاک ہوچکے ہیں۔
اسی کے ساتھ ہی ریاست بھر سے 206 افراد کورونا سے بازیاب ہوئے ہیں اور انہیں اسپتالوں سے فارغ کردیا گیا ہے۔ ریاست بھر میں 1374 فعال کیسز درج کیے گئے ہیں۔
