ایڈیٹر گلڈ نے اپنے بیان میں کہا کہ ہاتھرس کے واقعے کی رپورٹنگ کرنے والے صحافیوں کے ٹیلیفونز کو ٹیپ کرنے کا عمل بھی یکساں طور پر قابلِ مذمت ہے۔
میڈیا کو جائے واقعہ پر جانے کی اجازت نہ دینا اور صحافیوں کی فون گفتگو کو ٹیپ کرنا میڈیا کے کام کو مجروح کرنے اور رخنہ اندازی کرنا ہے۔
گلڈ کا مطالبہ ہے کہ حکومت ہاتھرس میں ایسے حالات پیدا کرے جو رپورٹنگ کرنے میں صحافیوں کے لیے کسی طرح کی کوئی رکاوٹ نہ بنے۔
ہاتھرس میں مداخلت کا معاملہ، سب سے بدترین معاملہ ہے لیکن گلڈ نے اس تشویش کے ساتھ یہ بھی نوٹ کیا ہے کہ حالیہ مہینوں میں میڈیا کے خلاف اس طرح کے حملے ایک بڑھتے ہوئے رجحان کا حصہ بن رہے ہیں جس میں چند دیگر ریاستی حکومتیں بھی صحافیوں کو اس طرح سے ہراساں کرنے میں ملوث رہی ہیں۔
تنظیم ان واقعات کی مذمت کرتی ہے اور صحیح کارروائی کا مطالبہ کرتی ہے۔
