بارہ بنکی : یوریا کھاد کی دستیابی کے لئے انتظامیہ کمر بستہ

کسانوں تک یوریا کھاد کی دستیابی آسانی سے ہو سکے اس کے لیے ریاست اترپردیش کے بارہ بنکی کا ضلع انتظامیہ مستعد ہو گیا ہے۔ یوریا کھاد کی جمع خوری کرنے والوں کے خلاف چھاپے ماری کی کارروائی کی جا رہی ہے، ساتھ ہی یوریا کی دستیابی کو یقینی بنانے کے لیے بھی خاص توجہ دی جا رہی ہے۔ انتظامیہ کا دعویٰ ہے کہ کہیں بھی کوئی قلت نہیں ہے۔

گزشتہ کچھ ہفتوں سے ضلع میں کسانوں کو یوریا کھاد کی مزید قلت ہو رہی تھی. حکومتی یوریا کھاد متعدد روز چکر لگانے کے بعد ہی دستیاب ہو رہی تھی۔ ای ٹی وی بھارت نے بھی اس مسئلے پر خبر شائع کی تھی. اب اس اہم مسئلے پر محکمہ زراعت اور انتظامیہ مستعد ہو گیا ہے۔ انتظامیہ کا دعویٰ ہے کہ یوریا کھاد کی کوئی قلت نہیں ہے۔

انہوں نے کہا کہ اب تک وہ طئے شدہ ہدف سے زیادہ کھاد فروخت کر چکے ہیں اور ابھی متعدد دفع یوریا کھاد کا زخیرہ آنا باقی ہے۔ کھاد کی دکانوں پر لگنے والی بھیڑ کی وجہ ہفتہ وار دو روزہ لاک ڈاؤن کے دوران غلط فہمی میں دکانوں کا بند ہونا اور کچھ تعاون کی کمی کو مان رہے ہیں۔ موجودہ صورتحال کی وجہ سے یوریا کھاد کی جمع خوری بھی تیز ہو گئی ہے، جس کے خلاف چھاپے ماری تیز کر دی گئی ہے۔