Bomb-like Shells Found in Barabanki: بارہ بنکی میں بم نما اشیا ملنے سے دہشت

لکھنؤ اور بارہ بنکی کے درمیان واقع سفیدآباد ریلوے اسٹیشن کے قریب ایک کیری بیگ میں بم نما چھ اشیاء ملنے سے افراتفری مچ گئی، جسے بم اسکواڈ کی ٹیم نے پہنچ کر ناکارہ بنا دیا bomb in Barabanki۔

ریاست اتر پردیش کی دارالحکومت لکھنؤ اور بارہ بنکی کے درمیان واقع سفیدآباد ریلوے اسٹیشن کے قریب ایک کیری بیگ میں بم نما چھ اشیاء ملنے سے افراتفری مچ گئی۔ گاؤں والوں کی اطلاع پر پہنچی پولیس، بم اسکواڈ، اے ٹی ایس نے اسے قبضے میں لے کر جانچ کے لئے بھیج دیا ہے Bomb found near Safedabad railway station۔

واضح ہو جمعہ کی دوپہر سفیدآباد ریلوے اسٹیشن سے تقریبآ 500 میٹر کی دوری پر ایک کیری بیگ میں پانچ بم نما اور ایک ٹاییمر جیسی چیز گاؤں والوں نے دیکھی اور اس کی اطلاع پولیس کو دی۔ تھوڑی ہی دیر میں وہاں پولیس، بم اسکوائیڈ اور اے ٹی ایس کی ٹیم موقع پر پہنچ گئی۔ بم اسکوائیڈ نے تقریبآ ڈھائی گھنٹے کے آپریشن کے بعد ان چیزوں کو ڈفیوز کیا۔

فی الحال پولیس نے ان تمام چیزوں کو اپنے قبضے میں لے کر فورینسک جانچ کے لئے بھیج دیا ہے۔ جانچ کے بعد ہی یہ واضح ہوگا کہ مشتبہ چیزیں کیا تھیں اور اس کو یہاں رکھنے کے پیچھے کا کیا مقصد تھا۔ فی الحال موقع پر امن و امان قائم ہے۔ پولیس پورے معاملے کی تحقیقات میں لگی ہوئی ہے، پولیس نے جلد ہی معاملہ کے خلاصے کا دعویٰ کیا ہے۔