اترپردیش کے ضلع بریلی شہر کے خواجہ قطب علاقے میں واقع خانقاہ عالیہ نیازیہ میں عرس کے آغاز کے ساتھ پرچم بھی بلند کیا گیا۔ غور طلب ہے کہ' تصوف کے سلسلہ سے وابستہ خانقاہِ عالیہ نیازیہ میں سالانہ دس روزہ عرس منایا جاتا ہے۔
اسی دوران خواجہ غریب نواز کی شان میں قوّالی، نذر و نیاز کے علاوہ ملکی سطح کے فنکاروں اپنا اپنا کلام پیش کرتے ہیں۔ یہ عرس خانقاہ کی عظیم شخصیت حضرت شاہ نیاز بے نیاز کی شان میں ہر برس منایا جاتا ہے۔
تصوف کے سلسلہ کے مراکز میں سے ایک بریلی میں واقع خانقاہِ عالنیہ نیازیہ کے بانی عظیم صوفی برزگ قطبِ عالم مولانا حضرت شاہ نیاز بے نیاز قادری چشتی کے دس روزہ عرس کا آغاز ہو گیا ہے یہ عرس دس دنوں تک جاری رہے گا۔
اس دوران عرس میں تمام تقریبات منعقد کیئے جائیں گے۔ بالخصوص قوالی کی تقریب میں عقیدت مندوں کی خاص شرکت ہوتی ہے۔ عرس کے تمام تقریبات اپنی پورے تزک و احتشام و قدیمی روایات کےساتھ خانقاہ کے سجادہ نشین حضرت شاہ مہندی میاں قبلہ سجادہ نشین کی زیر سرپرستی میں منعقد کیئے جاتے ہیں۔
دس روزہ عرس میں مسلسل خانقاہی روایات کے مطابق لنگر جاری رہے گا۔ صبح روزانہ خانقاہ کے محفلِ خانہ میں قرآن خوانی کی روحانی محفل سجائی جائےگی اور رات میں بعد نمازِ عشاء بھارت کی مختلف ریاستوں سے آئے مشہور و معروف قوّال نے نذرانۂ عقیدت پیش کرتے ہیں اور زائرین اس سے فیضیاب ہوتے ہیں۔
مزید پڑھیں: میرٹھ: اسکالرشپ بدعنوانی کی جانچ کے لیے کمیٹی کی تشکیل
خاص طور پر یہاں قوالی میں صوفیانہ کلام پیش کیے جاتے ہیں۔ اس موقع پر آئے تمام زائرین چادرپوشی اور گلپوشی کرتے ہیں۔ عرس میں شرکت کے لیئے بھارت کے کونے کونے سے تمام مذاہب کے عقیدت مند شرکت کرنے کے لیے خانقاہِ عالیہ نیازیہ میں حاضری کے لیئے آتے ہیں۔
