اتر پردیش کے دارالحکومت لکھنؤ میں تین اپریل کو تبلیغی جماعت سے وابستہ شخص محمد واحد نے خود کا میڈیکل جانچ کروایا تھا، جانچ کے بعد محمد واحد کی رپورٹ مثبت آئی، جس کے بعد انہوں نے خود کو 21 دنوں کے لیے قرنطین کر لیا۔
قرنطین کرنے کے بعد محمد واحد کی دوسری رپورٹ منفی آئی اس کے بعد بھی وہ 14 دن گھر میں قرنطین میں رہے، اور انہوں نے سماجی ذمہ داری کو سمجھتے ہوئے ایک اہم فرض کو انجام دیا۔
لکھنؤ جوائنٹ پولیس کمشنر (لاء اینڈ آرڈر) نونیت اروڑہ نے انہیں ذمہ دار شہری ہونے پر سرٹیفکیٹ دے کر اعزاز سے نوازا
سماج میں ایک طرف تبلیغی جماعت کی بنیاد پر مسلمانوں کے خلاف نفرت پھیلائی جا رہی ہیں، وہیں اس طرح کی تصویر سکون دینے والی ہیں، اس سے پہلے بھی تبلیغی جماعت سے وابستہ جو افراد کورونا مثبت پائے گئے تھے، صحت یاب ہونے کے بعد انہوں نے اپنا پلازمہ عطیہ کرنے کا فیصلہ لیا تھا، جس سے ان کی ہر جانب تعریفیں ہوئی۔
