مظاہرین نے الزام عائد کیا کہ پولیس کی سرپرستی میں زہریلی شراب بنانے اور فروخت کرنے کا ناجائز کاروبار جاری ہے۔
نقلی شراب سے ہلاکت کو لیکر زبردست احتجاج
بزرگ کیسری دیوی نے گزشتہ سالوں میں کئی اموات کا غم برداشت کیا ہے لیکن اب ان کا صبر جواب دے رہا ہے۔ کیسری دیوی اب انتظامیہ اور پولیس کے خلاف سڑکوں پر اترنے کو مجبور ہو گئی ہیں۔ ان کے ساتھ علاقے کی وہ خواتین بھی دے رہی ہیں جنہوں نے اپنوں کو کھو دیا ہے۔ ضلع پنچایت ممبر اودھیش کمار باغی کی قیادت میں احتجاج پر اتری خواتین نے حکومت کے خلاف جم کر نعرے بازی کی۔
ہاتھوں میں پلے کارڈ لیکر سڑک پر بیٹھی خواتین و مقامی باشندوں نے نقلی شراب فروخت کرنے والوں کے خلاف سخت کاروائی کرنے کا مطالبہ کیا۔ اس معاملے میں پولس یا انتظامیہ کے ذمہ دار کیمرے کے سامنے کچھ بھی کہنے سے بچتے رہے۔
