بارہ بنکی: شب برات کے موقع پر قمریہ باغ قبرستان میں خاص انتظامات

شب برات کی مناسبت سے بارہ بنکی شہر کے قدیمی قمریہ باغ قبرستان میں لوگ اپنے مرحومین کے ایصال ثواب کے لیے پہنچے۔ اس موقع پر قبرستان انتظامیہ کی جانب سے خاصہ انتظامات کئے گئے ہیں۔

اتر پردیش کے ضلع بارہ بنکی شہر کے قدیمی قمریہ باغ قبرستان میں شب برات کے موقع پر لوگ اپنے مرحومین کے لیے فاتحہ و دعائے مغفرت کرتے نظر آئے۔ گذشتہ برس لاک ڈاؤن کی وجہ سے قبرستان میں داخلے پر پابندی تھی، جس کی وجہ سے رواں برس لوگوں کی بھیڑ اپنے اباؤ اجداد کو ایصال ثواب پہنچانے کے لیے امنڈ پڑی۔

شب برات کی مناسبت سے قبرستان کمیٹی نے بھی خاصہ انتظامات کئے ہیں۔ لوگوں کو اندھیرے میں پریشانی نہ ہو اس لئے قبرستان احاطے میں روشنی کے ساتھ ساتھ صاف صفائی کا بھہ اہتمام کیا گیا ہے۔ یہ سلسلہ گذشتہ 7 برسوں سے چلا آ رہا ہے۔