ریاست اترپردیش کے ضلع ہردوئی کے سی ایس این پی جی کالج میں سماجی انصاف اور تفویض اختیارات کے مرکزی وزیر تھاور چند گہلوت نے معیشت پر ڈاکٹر منموہن سنگھ کے تبصرہ پر نکنہ چینی کرتے ہوئے کہا کہ' وزیر اعظم اور وزیر خزانہ اس معاملے پر بہت سنجیدہ ہیں'۔
خیال رہے کہ گذشتہ دنوں سابق وزیر اعظم ڈاکٹر منموہن سنگھ نے سست معیشت اور نوٹ بندی پر تبصرہ کیا تھا۔ انہوں نے کہا تھا کہ 'بھارتی معیشت میں آگے بڑھنے کی صلاحیت ہے لیکن مودی حکومت کی اقتصادی بدنظمی کے سبب یہ کساد بازاری سے دو چار ہے'۔
ڈاکٹر سنگھ نے کہا تھا کہ 'ملک کا اقتصادی بحران بدنظمی کا شکار ہوا ہے۔ میں حکومت سے اپیل کرتا ہوں کہ انہیں کسی طرح کی سیاست کیے بغیر ملک کو اقتصادی بحران سے باہر نکالنے کی کوشش کرنا چاہیے کیونکہ ملک طویل اقتصادی بحران کو برداشت نہیں کر سکتا، انہوں نے نوٹ بندی پر بھی تبصرہ کیا تھا'۔
انہوں نے کہا تھا کہ 'مودی حکومت کی پالیسیز کی وجہ سے بڑے پیمانے پر نوکریاں جا رہی ہیں۔ آٹو موبائل سیکٹر میں 3.5 لاکھ نوکریاں چلی گئی ہیں'۔
ڈاکٹر منموہن سنگھ کے بیان پر مرکزی وزیر تھاور چندرگہلوت نے کہا ہے کہ منموہن سنگھ نے جو بات کہی ہے وہ وزیراعظم نریندر مودی اور وزیر خزانہ کے ذہن میں اچھی طرح سے ہے، وزیراعظم وزیر خزانہ اس مسئلہ کو لے کر بے حد سنجیدہ اور فکرمند ہیں'۔
