اترپردیش کے ضلع جونپور میں آج بھیانک سڑک حادثہ میں چھ لوگوں کی دردناک موت ہوگئی۔
اطلاع کے مطابق ٹرک اور پک اپ میں تصادم ہو گیا۔ پک اپ میں سوار تمام لوگ وارانسی سے ایک پروگرام کے بعد جونپور اپنے گھر واپس جا رہے تھے۔
واپسی کے دوران جلال پور تھانے کے علاقے تریلوچن بازار میں ایک ٹرک سے تصادم ہو گیا۔ حادثہ اتنا زوردار تھا کہ پانچ افراد موقع پر ہی دم توڑ گئے۔
ویڈیو
ایڈیشنل سپرنٹنڈنٹ پولیس سنجے کمار نے بتایا کہ اس حادثے میں مجموعی طور پر 6 افراد کی موت ہوگئی ہے۔ پانچ افراد موقع پر ہی دم توڑ گئے جبکہ چھٹا شخص اسپتال جاتے ہوئے انتقال کر گیا۔ پولیس نے تمام لاشوں کو پوسٹ مارٹم کے لیے بھیج دیا ہے اور معاملے کی تفتیش کر رہی ہے۔
