ایس آئی ٹی کے چیف نوین اروڑا نے آج یہاں صحافیوں کو بتایا کہ سوامی چنمیا نند معاملے کی جانچ مکمل ہوگئی ہے اور عدالت میں کل چارج شیٹ فائل کی جائےگی۔ انہوں نے بتایا کہ اس معاملے میں دونوں ملزموں کے خلاف دفعہ 385،506 اور 201 کے تحت چارج شیٹ کل عدالت میں داخل کی جائے گی۔
انہوں نے بتایا کہ سوامی چنمیا نند کی جانب سے درج کرائے گئے رنگداری مانگنے کے معاملے میں اب ملزموں کی تعد بڑھ کر چھ ہوگئی ہے۔ اس معاملے میں متأثرہ کے علاوہ سنجے،وکرم،سچن پہلے ہی جیل میں بند ہیں۔
ایس آئی ٹی چیف نے بتایا لیباریٹری میں مالش اور رنگداری مانگنے ویڈیو صحیح پائے گئے ہیں۔ اس کےعلاوہ موبائل لوکیشن سی ڈی آر گیسٹ ہاوس وغیرہ کی سی سی ٹی وی فوٹیج بھی جانچ میں صحیح پائے گئے ہیں۔
اروڑا نے بتایا کہ دو ماہ چلی ایس آئی ٹی کی جانچ میں 105 افراد کے بیان درج کئے گئے ہیں۔ 20 فیزیکل ثبوت اکٹھے کئے گئے ہیں۔وہ 4700 صفحات پر مبنی رپورٹ عدالت میں داخل کریں گے۔اس کے ساتھ ہی 20۔20 صفحات کی چارج شیٹ بھی عدالت میں داخل کی جائےگی۔ اس کے علاوہ وہ دو رپورٹ حکومت کوبھی بھیج رہے ہیں۔جس میں سوامی چنمیانند معاملہ اور کالج منیجمنٹ سے متعلق رپورٹ ہے۔
