ریاست اترپردیش کے ضلع بارہ بنکی کی محفوظ اسمبلی سیٹ زیدپور سے سات امیدوار اپنی قسمت آزمانے کے لیے میدان میں اترینگے۔
پرچہ نامزدگی کے آخری دن تک کل 9 امیدواروں نے پرچہ داخل کیا تھا لیکن ان میں سے دو کی نامزدگی پرچوں خامی پائے جانے کی وجہ سے منسوخ کردی گئی تھی۔
پرچہ واپسی کے آخری دن تک کسی بھی امیدوار نے اپنا نام واپس نہیں لیا ہے۔
زیدپور محفوظ اسمبلی سیٹ کے لیے بی جے پی کی جانب سے آمبریش راوت ،سماجوادی پارٹی کی جانب سے گورو کمار راوت، بی ایس پی کی جانب سے اکھلیش امبیڈکر اور کانگریس کی جانب سے تنج پنیا بطور امیدوار ہونگے۔
دیگر پارٹیوں میں سے پیس پارٹی نے کیلاش ناتھ، ناگرکتا ایکتا پارٹی سے ہری نندن گوتم اور سمدرشی سماج پارٹی سے سریش راوت کو میدان فتح کرنے کے لیے منتخب کیا گیا ہے۔
زیدپور میں کل 379754 رائے دہندگان ہیں۔
واضح رہے کہ 21 اکتوبر کو ضمنی انتخابات ہونے ہیں اور نتائج کا اعلان 24 جون کو کیا جائے گا۔
2017 میں زیدپور اسمبلی سیٹ سے اوپیندرسنگھ راوت رکن اسمبلی تھے لیکن انکے رکن پارلیمان منتخب ہونے کی وجہ سے یہ سیٹ خالی ہوگئ ہے۔
