اُترپردیش میں ضلع شاملی کے جھنجھنا تھانہ علاقہ کے تحت جھنجھنا قصبہ کے قریب دو معصوم بچوں کی لاشیں اور ایک شخص کی لاش لٹکی ہوئی ملی۔ خدشہ ظاہر کیا جا رہا ہے کہ متوفی شخص نے پہلے دو بچوں کو قتل کیا اور پھر پھانسی لگا لی، واقعے کی اطلاع ملتے ہی پولیس نے موقع پر پہنچ کر لاش کو قبضے میں لے کر پوسٹ مارٹم Postmortem کے لیے بھیج دیا اور مزید قانونی کارروائی شروع کر دی گئی۔
متوفی کی بیوی جھگڑے کے بعد اپنے میکے چلی گئی تھی، جس کو لینے کے لیے وہ اپنے سسرال گیا تھا، اس کے بعد یہ واقعہ پیش آیا، بھائی کے گھر نہیں لوٹنے پر 2 روز قبل مقتول کے چھوٹے بھائی نے صدر کوتوالی میں گمشدگی کی درخواست درج کرائی تھی۔
دوسری جانب متوفی کے والدین اور دیگر رشتہ دار جائے وقوعہ پر پہنچ گئے۔ مذکورہ معاملے میں گاؤں والوں کا کہنا ہے کہ واقع کی اطلاع پولیس افسر نے دی تھی، معلومات حاصل کرنے پر پتہ چلا کہ یہ گاؤں کڈانہ کا رہنے والا ہے۔ جس کا نام سویت ولد رام کشن ہے اور اس کا اپنی بیوی سے کچھ دن پہلے جھگڑا ہوا تھا۔ اور 2 دن پہلے اس کی گمشدگی کی رپورٹ اس کے بھائی نے صدر کوتوالی میں درج کرائی تھی۔ وہیں واقعے کے معاملے میں متوفی کے بھائی کا کہنا ہے کہ یہ 6 دن قبل گھر سے لاپتہ ہوا تھا اور ہم نے اس معاملے کی اطلاع گزشتہ روز درج کرائی تھی۔
مزید پڑھیں:
دوسری جانب اس معاملے میں پولیس افسر کا کہنا ہے کہ تھانہ جھنجھنا کے علاقے جھنجھنا کے قریب پانی کی ٹووئل سے دو بچوں کی لاشیں ملی ہیں، جب کہ بچوں کے والد کی لاش بھی ٹویل سے لٹکی ہوئی ملی ہے۔ موقع پر پہنچ کر لاش کو قبضے میں لے لیا گیا ہے جبکہ متوفی کی شناخت کر لی گئی ہے جو صدر کوتوالی کے علاقے کڈانہ کا رہنے والا ہے۔ پولیس نے لاش قبضہ میں لے کر پوسٹ مارٹم کے لئے بھجوا دی اور مزید قانونی کارروائی کی جا رہی ہے۔
