ریاست اتر پردیش کے بارہ بنکی کے ستیہ پریمی نگر واقع اقلیتی ادارے عظیم الدین اشرف اسلامیہ انٹر کالج میں سائنسی نمائش منعقد کی گئی جس میں طلبا نے کثیر تعداد میں شرکت کی اور اپنے ماڈل سے ناظرین دل فتح کر لیا۔
واضح ہو کہ عظیم الدین اشرف اسلامیہ انٹر کالج میں ہر برس یہ سائنسی نمائش کا انعقاد کیا جاتا ہے، رواں برس منعقد ہونے والے اس سائنسی نمائش کا افتتاح ٹرینی سی او شاہدہ نسرین نے کیا، اس موقع پر انہوں نے تمام طلبا کے ماڈل دیکھے اور طلبا سے ان سے متعلق معلومات حاصل کی، وہیں طلبا نے موجودہ وقت کی ضرورت کے عین مطابق اہم ماڈل پیش کیے۔
طلبا کی جانب سے پیش کردہ ماڈل میں توانائی کی بچت، مختلف ذرائع سے توانائی پیدا کرنے اور ماحولیات کے موضوع پر ایسے ماڈل تھے کہ جن پر اگر عمل کر لیا جائے تو موجودہ دور کے تمام مسائل آسانی سے حل ہو جائیں گے، یہ تمام ماڈل دیکھ کر محمان خصوصی شاہدہ نسرین حیران رہ گئیں اور طلبا کے ہنر کی جم کر ستائش کی۔
انہوں نے کہا کہ اگر انہیں آگے موقع دیا گیا تو یہ بڑے سائنس داں ہوں گے۔
