ریاست اترپردیش کے رامپور میں پولیس نے پاکستان کی جیت کا جشن منانے کے الزام میں ایک نوجوان گرفتار کیا ہے۔ جس کے قبضہ سے پولیس نے انفنکس کمپنی کا ایک موبائل بھی برآمد کیا ہے۔
فیس بک پر ٹی 20 ورلڈ کپ کے دوران کھیلے گئے بھارت اور پاکستان کے درمیان میچ میں بھارت کی شکست کے بعد پاکستان زندہ باد پوسٹ کرنے والے ملزم دانش علی ولد چھوٹے ساکن محلہ نصیر آباد، مِلک کو پولیس نے گرفتار کرکے جیل بھیج دیا۔ دانش کے قبضہ سے پولیس نے انفنکس کمپنی کا ایک موبائل فون بھی برآمد کیا ہے۔
واضح رہے کہ 24 اکتوبر کو بھارت اور پاکستان کے درمیان ٹی ٹوینٹی ورلڈ کپ کے پہلے میچ میں بھارت کو شکست کا سامنا کرنا پڑا تھا۔ اس جیت پر چند لوگوں نے جیت پاکستان کی حمایت میں نعرے لگائے۔
مزید پڑھیں:
مذہب کے نام پر ٹرول کرنا انسانیت کا سب سے نچلا درجہ: وراٹ کوہلی
جس پر اترپردیش کے وزیر اعلیٰ یوگی آدتیہ ناتھ نے سخت احکامات دیتے ہوئے کہا تھا کہ پاکستانی ٹیم کی حمایت کرنے والوں کے خلاف ملک سے بغاوت مانی جائیگی۔ یہی وجہ ہے کہ رامپور سمیت پورے اترپردیش میں اب تک متعدد نوجونوں کو اسی الزام کے تحت گرفتار کرکے جیل بھیجا جا چکا ہے۔
