انہوں نے کہا کہ میں سبھی کو ماہ رمضان کی مبارک باد پیش کرتا ہوں۔سبھی لوگ اس مقدس ماہ میں خوب عبادت کریں اور اللہ رب العزت کے بارگاہ میں دعا کریں۔
جہاں تک نماز تراویح کی بات ہے تو گھر میں ہی باجماعت ادا کریں۔ مسجد جانے کی ضرورت نہیں ہے کیونکہ لاک ڈاؤن نافذ ہے، جس کا ہمیں احترام کرنا ہے۔
اتر پردیش کے ضلع غازی پور کی کئی مسجدوں میں رمضان المبارک کہ پیش نظر پولیس نے مائک کے ذریعے اذان اور سحری کا اعلان پر پابندی عائد کی ہے۔
اس سلسلے میں شہر قاضی مولانا خالد رشید فرنگی نے کہا کہ اگر اس طرح کے معاملے سامنے آتے ہیں تو مساجد کے ذمہ داران کو چاہیے کہ وہ ضلع انتظامیہ سے پہلے بات کرلیں تاکہ افطار اور سحری کے وقت روزہ داروں کو دشواری نہ پیش آئے۔
یہ پہلا موقع ہے جب روزہ دار مساجد میں عبادت نہ کر پائیں گے، صرف اپنے گھروں میں ہی عبادت کر سکیں گے۔
لاک ڈاؤن کے سبب بازار بند ہیں اور لوگ ضروری چیزیں خریدنے کے لئے بازار بھی نہیں جا سکتے۔ ایسے میں اس رمضان میں وہ رونقیں دیکھنے کو نہیں ملیں گی جو سابقہ برسوں میں ملا کرتی تھیں۔
