لکھنؤ گریجویٹ ایم ایل سی انتخابات کے لیے رام سنگھ رانا سماج وادی پارٹی کی جانب سے بطور امیدوار منتخب کیے گئے ہیں۔
انتخاب کے پیش نظرجمعہ کو بارہ بنکی کے پارٹی دفترمیں کارکنان کے ساتھ میٹنگ منعقد کی گئی۔
میٹنگ میں انتخابی مہم کے لیے منصوبہ بندی کی تیاری کے ساتھ کارکنان کو ضروری ہدایت بھی دی گئی۔
سماجوادی پارٹی سربراہ اکھلیش یادو کے قریبی مانے جانے والے رام سنگھ رانا نے اپنی ترجیحات بیان کرتے ہوئے کہا کہ اب تک ایم ایل سی گریجویٹ سیٹ پر ایجوکیشن مافیا ہی فتح ہو کر جاتے رہے ہیں جس کی وجہ سے وہ اپنے ووٹرس کے مسائل کو بھول جاتے ہیں اور وہ سیاست میں اپنی تجارت کو فروغ دینے لگتے ہیں۔
انہوں نے دعوی کیا کہ اگر وہ فتح ہوتے ہیں تو وہ بے روزگار اور گریجویٹ افراد کی آواز کو ہاؤس میں بلند کریں گے کیوںکہ وہ سیاست میں رہ کر 24 برس سے عوام کے مسائل کواٹھاتے رہے ہیں۔
واضح رہے کہ رام سنگھ رانا اسٹوڈینٹ سیاست کرنے کے بعد سماجوادی پارٹی میں شامل ہوئے ہیں۔
وہ لکھنؤ یونیورسٹی کے سابق جنرل سکریٹری بھی رہ چکے ہیں اور اکھلیش حکومت میں انہیں وزیر مملکت کا درجہ بھی حاصل تھا۔
