تقریب میں آیوشمان کارڈ بنانے میں نمایاں کام کرنے والے ہسپتالوں کو بھی اعزاز کیا گیا۔ اس کے علاوہ ضلع میں تعینات آروگیہ دوست کا بھی اعزاز کیا گیا۔
اس سے قبل چیف میڈیکل افسر رام جی ورما نے ضلع میں اس اسکیم کی پروگریس رپورٹ بتائی۔
انہوں نے بتایا کہ ضلع میں اب 270881 افراد مستفید ہو چکے ہیں، جبکہ 324129 کارڈ بنائے گئے ہیں۔
انہوں بتایا کہ اس اسکیم میں بارہ بنکی ضلع نے نمایا کام کیا ہے۔ ان کے مطابق گولڈن کارڈ بنانے کے معاملے میں ضلع ڈیویژن میں اول اور ریاست میں 7 ویں پائے دان پر ہے۔ یہی نہیں کلیم دلانے کے معاملے بارہ بنکی ڈیویژن میں اول اور ریاست میں 22 ویں نمبر پر ہے۔
اس موقع پر اسکیم سے مستفید ہوئیں تمام خواتین خوش نظر آئیں۔ انہوں نے کہا کہ کارڈ بننے سے انہیں اب علاج کے لئے پیش آنے والی پریشانیاں نہیں ہوں گی۔
وہیں تقریب کے مہمان خصوصی رکن پارلیمان اوپیندر راوت نے کہا کہ وزیراعظم نے عوام کے دکھ کو سمجھ کر یہ اسکیم شروع کی ہے، جس سے اب عام آدمی بھی خاص لوگوں کی مانند اپنا علاج کرا سکیں گے۔
مزید پڑھیں:
اترپردیش: کانگریس مسلمانوں کو راغب کرنے کے لیےعزم نامہ پیش کرے گی
وہیں انہوں نے کہا کہ ابھی ملک کے 40 فیصدی افراد کو اس سے منسلک کرایا گیا ہے۔ آگے 40 فیصدی اور عوام کو اس سے جوڑا جائے گا۔
