نیشنل لوک عدالتوں سے غریبوں کو ہو رہا فائدہ: بارہ بنکی ضلع جج

ریاست اتر پردیش کے ضلع بارہ بنکی میں سنیچر کے روز نیشنل لوک عدالت کا اہتمام کیا گیا۔ سال میں چار دفعہ ہونے والی یہ امسال کی تیسری نیشنل لوک عدالت ہے اور اس کا مقصد اپیل کنندہ اور غریبوں کو انصاف مہیا کرانا ہے۔ ضلع جج رادھے شیام یادو کے مطابق ہم اپنے اس مقصد میں 100 فیصد کامیاب ہو رہے ہیں۔

لوک عدالت میں منعقد ایک تقریب میں ضلع جج رادھے شیام یادو نے شمع جلاکر نیشنل لوک عدالت کا افتتاح کیا۔

اس کے بعد ضلع مجسٹریٹ، پولیس سپرنٹنڈنٹ اور دیگر ججوں نے نیشنل لوک عدالت کی ضرورت اور اہمیت پر روشنی ڈالی۔ اس کے بعد ضلع جج نے تمام عدالتوں کا معائنہ بھی کیا۔

نیشنل لوک عدالت کے نوڈل افسر اشوک کمار یادو نے بتایا کہ اس میں 60 ہزار معاملوں کی نشان دہی کی گئی ہے۔ ان میں 31870 بینک، 12903 معاملے تحصیل اور ریونیو، دیگر محکموں کے 3446، فیملی کورٹ کے 69، دیوانی ضلع عدالت کے 427، این آئی اے کے 100، مستحکم عوامی عدالت کے 17، موٹر وہیکل کے9765، کورٹ کے 10372 معاملے شامل ہیں۔

انہوں کہا زیادہ سے زیادہ مقدموں کا حل ہمارا مقصد ہے۔

وہیں ضلع جج رادھے شیام یادو نے بتایا کہ ہم نے گزشتہ نیشنل لوک عدالت میں طے کیا تھا کہ ہم اس دفعہ مقدموں کو حل کرنے کا ریکارڈ بنائیں گے اور پھر آئندہ اپنے ہی رکارڈ کو توڑیں گے۔

انہوں کہا کہ ہم اس ٹارگیٹ پر ہی کام کریں گے۔ انہوں کہا کہ نیشنل لوک عدالت سے اپیل کنندہ کو سب سے زیادہ فائیدہ ہے۔ یہاں انہیں تمام اقسام کی سہولت حاصل ہوتی ہیں۔

انہوں یہ بھی تسلیم کیا کہ ان سے عدالت زیرالتوا معاملات میں بھی کمی آ رہی ہے۔ ضلع جج نے کہا کہ نیشنل لوک عدالتیں اپنے سلوگن انصاف چلا غریبوں سے ملنے کو 100 فیصد پورا کر رہا ہے کیونکہ یہاں غریب افراد کو کافی سہولت حاصل ہوتی ہے۔