موقع پر پہنچے والے ضلع مجسٹریٹ اور ایس پی نے تھانہ کو ہاٹ اسپاٹ قرار دیتے ہوئے پورے علاقے کو سیل کردیا۔ انتظامیہ کی جانب سے علاقے میں خاطر خواہ انتظامات کیے گئے ہیں تاکہ کوئی بھی شخص اس علاقے میں داخل یا باہر نہ جا سکے۔
اب تک بجنور میں مجموعی طور پر کورونا مثبت مریضوں کی تعداد 23 ہوگئی ہے۔ وہیں نہتور پولیس اسٹیشن میں تعینات ایس آئی پولیس اہلکار کی رپورٹ پازیٹیو آنے سے نہتور پولیس اسٹیشن کو مکمل طور پر سیل کردیا گیا ہے۔
فون پر ایس پی سنجیو تیاگی نے جانکاری دی کہ پورے تھانے کو سیل کر عارضی طور پر دوسرے مقام پر تھانہ بنایا جارہا ہے۔
اسی کے ساتھ ہی اس تھانہ میں تعینات 40 سے 45 پولیس اہلکاروں کو بھی پولیس نے قرنطینہ کردیا ہے۔ وہیں 10 پولیس اہلکاروں کے نمونے بھیج کر تفتیشی رپورٹس بھیجی گئی ہیں، پورے تھانہ کو سیل اور سینیٹائز کیا جارہا ہے۔
دوسری طرف ایس ڈی ایم چاند پور گھنشیام ورما نے فون پر بتایا کہ چاند پور میں 2 کورونا مریضوں کے ملنے سے آس پاس کے سبھی گاؤں کے 1 کلومیٹر کے دائرے کو سیل کردیا گیا ہے۔ ساتھ ہی سبھی گاؤں کو سینیٹائز کیا جارہا ہے۔
