پیلی بھیت پولس سپرنٹنڈنٹ ابھیشک دیکشت نے بتایا کہ 'اس گروہ کے چار اراکین کو پولیس نے گرفتار کیا ہے ساتھ ہی ان کے قبضے سے ہزاروں روپے کے نوٹ اور نوٹ چھاپنے کی مشین بھی برآمد کی ہے۔
انہوں نے بتایا کہ خفیہ اطلاع کی بنیاد پر کرائم برانچ اور مقامی پولیس نے نیوریا علاقے کے محلہ گپتا کالونی میں چھاپہ مارا، جہاں سے پولیس نے جعلی نوٹ چھاپنے والے گروہ کے چار راکین گووند، تنمئے سرکار، منگلی پرساد اور چرنجیو کو گرفتارکر لیا جبکہ ان کا ایک ساتھی نران فرار ہونے میں کامیاب رہا جو گروہ کا سرغنہ ہے پولیس اس کی تلاش میں لگی ہوئی ہے۔
ابھیشیک دیکشت نے بتایا کہ گرفتار ملزمین کے قبضے سے 50 ۔ 50روپے کے 85 نوٹوں کے علاوہ اسے چھاپنے کا اسکینر، پرنٹر وغیرہ برآمد کیا گیا۔
گرفتار گروہ نے بتایا کہ 'انہوں نے نقلی نوٹ چھاپنے کا کام یوٹیوب سے سیکھا تھا۔
واضح رہے کہ گزشتہ دنوں نیوریا علاقے کے ٹانڈا گاؤں میں این آئی اے کی ٹیم نے اسیم سرکار نامی نوجوان کے پاس سے دولاکھ روپے کے جعلی نوٹ برآمد کئے تھے۔ اسیم سرکار کو این آئی اے کی ٹیم کافی عرصے سے تلاش کررہی تھی۔
