لوگوں کا کہنا ہے کہ انہیں وقت سے کھانا نہیں مل پا رہا ہے۔ حالات اتنے خراب ہیں کہ کبھی کبھی انہیں رات میں بھوکے پیٹ سونا پڑتا ہے۔ یہاں تک کہ انہیں راشن تک نہیں ملتا۔
ملک میں کورونا وائرس کے پیش نظر لاک ڈاؤن ہے۔ لاک ڈاؤن میں جہاں ہر طبقہ پریشان ہے وہیں ملک کا سب سے غریب طبقہ زیادہ متاثر ہے۔ لاک ڈاؤن کی وجہ سے مزدوروں کو کام نہیں مل پا رہا ہے جس سے ان کو کھانے پینے کی پریشانی ہے۔ مزدور اور غریب کو کھانا مہیا کرانے کے لیے ریاستی حکومت کوشاں ہے لیکن غریبوں تک اس کی پہنچ نہیں ہے۔
لکھنؤ میں غریبوں تک کھانا پہنچانے کے لیے 10 کمیونٹی کچن بنائے گئے ہیں۔ لیکن سیتا پور روڈ پر واقع جھگی جھوپڑی میں نہ وقت سے راشن پہنچتا ہے اور نہ ہی کھانا۔ جس کی وجہ سے یہاں کے لوگوں نے ناراضگی جتائی اور شکایت بھی کی۔
لوگوں نے بتایا کہ انہیں کہ یہاں کبھی کبھی کھانا اتا ہے۔ کبھی کوئی کھانا تقسیم کرنے آتا بھی ہے تو وہ آدھے لوگوں کو کھان دے کر چلا جاتا ہے۔
جب ان ساری باتوں کو متعلقہ افسر مکیش میسرام سے بتایا گیا تو انہوں نے کہا کہ 'ہم ایسے لوگوں کی تلاش کر رہے ہیں، جن کو کھانا نہیں مل پا رہا ہے۔ ہم سبھی کمیونٹی کچن کی ذریعے غریبوں تک کھانا پہنچانے کا کام کر رہے ہیں۔'
انہوں نے بتایا کہ ہمارے پاس 75 ہزار لوگوں تک کھانا پہنچانے قوت ہے۔ انہوں نے بتایا کہ اگر لوگوں کو کھانا نہیں پہنچ رہا ہے تو وہ 112 پر کال کریں یا 1076 پر کال کر کے بتائیں انہیں فورا کھان مہیا کرایا جائے گا۔
