بھارت کے دارالحکومت دہلی کے پرانی دہلی ریلوے اسٹیشن پر گذشتہ ہفتہ ماب لنچنگ کا معاملہ پیش آیا تھا جس میں معمولی سی بات پر گھڑی دولت گاؤں اترپردیش کے رہنے والے قاری اویس کو پیٹ پیٹ کر قتل کر دیا گیا تھا۔ قاری اویس دہلی میں رہ کر دینی تعلیم حاصل کر رہے تھے۔
قاری اویس کے اہل خانہ سے ملاقات
اس حادثہ کے بعد مشہور شاعر عمران پرتاپ گڑھی اور بھوپال کے رکن اسمبلی عارف مسعود نے قاری اویس کے اہل خانہ سے ملاقات کے لیے ان کے گھر پہنچے اور انہیں یقین دلایا گیا کہ ان کی ہر طرح سے مدد کی جائے گی۔ ساتھ ہی عارف مسعود نے قاری اویس کی والدہ کو مدد کے طور پر اپنی دو مہینے کی تنخواہ دو لاکھ روپے بھی دی۔
اس موقع پر عمران پرتاپ گڑھی اور کانگریس کے سینیئر رہنما ہارون یوسف بھی موجود تھے۔
عارف مسعود نے کہا کہ 'یہ ہمارا بڑا نقصان ہے اور اس لڑائی کو نتیجے تک لڑا جائے گا۔'
