ریاست اترپردیش میں بہوجن سماج پارٹی کی صدر مایاوتی نے اپنی پارٹی کے بانی کانشی رام کو خراج تحسین پیش کرتے ہوئے کہا کہ 'پسماندہ طبقات کو ان کا واجب حق دلانے کی خالص کوشش ہر حال میں جاری رہے گی'۔
مایاوتی نے بدھ کو آنجہانی کانشی رام کی 13 ویں برسی کے موقع پر ایک کے بعد ایک ٹویٹ میں دلت اور پسماندہ طبقات کے لیے لیے جدوجہد کرنے پر انہیں یاد کیا۔
انہوں نے کہا کہ 'بی ایس پی تحریک کے موجد و مؤسس کانشی رام جی کو ان کی برسی پر مختلف پروگراموں کے ذریعہ جذباتی خراج عقیدت پیش کی گئی'۔
انہوں نے کہا کہ 'پسماندہ طبقات کے حق میں ان کا جدوجہد تھا، 'ووٹ ہماراراج تمہارا نہیں چلے گا'۔
مزید پڑھیں: شہلا نے سیاست سے خود کو الگ کیا
دہلی میں واقع گرودوارا رکاب گنج روڈ پر 'پرینا مرکز' میں اور لکھنؤ میں بی ایس پی کے ذریعہ وی آئی پی روڈ پر واقع کانشی رام جی اسمارک استھل میں منعقد پرگراموں میں بہوجن نائیک مسٹر کانشی رام جی کو خراج عقیدت پیش کیا گیا اور ان کے خوابوں کو پورا کرنے کا عزم لیا گیا۔
ایک دیگر ٹوئٹ میں محترمہ مایاوتی نے کہا کہ 'بابا صاحب امبیڈیکر کے احترام و عزت نفس کی تحریک کے لئے وقف کانشی رام جانتے تھے کہ ذات پات و تنگ نظر طاقتیں سام ،دام ،دنٹ، بھید،' جیسے ہتھکنڈوں سے بی ایس پی تحریک کو چیلنج دیتی رہیں گی۔
جس کا پوری دانش مندی کے ساتھ مقابلہ کرکے آگے بڑھنا ہےجس کی بہترین مثال یو پی ہے۔
