مایاوتی نے ٹویٹ کیا کہ 'پورے یو پی میں قتل اور خواتین کے عدم تحفظ سمیت تمام طرح کے سنگین جرائم کا سیلاب مسلسل جاری ہے، اس سے یہ واضح ہے کہ یوپی میں قانون نہیں بلکہ جنگل راج چل رہا ہے، یعنی یو پی میں کورونا وائرس سے زیادہ مجرموں کا کرائم وائرس حاوی ہے۔ عوام پریشان ہے۔ حکومت اس جانب دھیان دے۔'
قابل غور بات یہ ہے کہ پیر کے روز غازی آباد کے علاقے وجے نگر میں نامعلوم بدمعاشوں کی گولی سے زخمی صحافی وکرم جوشی کی آج صبح موت ہوگئی ہے جبکہ لوک بھون کے باہر جمعہ کے روز خودکشی کرنے والی دو خواتین میں سے ایک کی موت ہوگئی۔
