رام جنم بھومی تیرتھ ٹرسٹ تشکیل دیے جانے کے بعد رام للا وراجمان کے وکیل کے پراسرن کو اس کا چیئرمین منتخب کیا گیا ہے۔
اطلاعات کے مطابق ایودھیا کے کمشنر ایم پی اگروال نے رام جنم بھومی کے ریسیورانچارج کے عہدے سے دستبردار ہوگئے ہیں۔ ان کی دستبرداری کے بعد اس عہدے کے لیے ایودھیا راج خاندان کے ویملیندر موہن پرتاپ مشرا کو ان کی جگہ لایا گیا ہے۔
واضح رہے کہ رام جنم بھومی تیرتھ ٹرسٹ کے کل 15 ممبر ہوں گے، جن میں سے 9 مستقل اور 6 نامزد ممبر ہیں۔
ایودھیا کے ڈسٹرکٹ مجسٹریٹ ایودھیا ٹرسٹ کے کنوینر ہوں گے۔ ساتھ ہی وملیندر موہن پرتاپ مشرا کو 'شری رام جنم بھومی تیرتھ کھیترا' ٹرسٹ کا ٹرسٹی بنایا گیا ہے۔
مزید پڑھیں: کشمیر: مزید دو سیاسی رہنما، ایم ایل اے ہوسٹل سے رہا
مستقل ممبران میں شنکراچاریہ واسودیوانند سرسوتی، پونے سے سوامی گووند گری، ہریدوار سے پرمانند جی مہاراج، نرموہی اکھاڑہ کے دینیندر داس، ولمندر موہن پرتاپ مشر، ڈاکٹر انل مشرا، کامیشور چوپل ایس سی ممبر ہوں گے۔
واضح رہے کہ وزیر اعظم نریندر مودی نے 5 فروری کو رام مندر ٹرسٹ کا اعلان کیا ہے۔ ساتھ ہی انہوں نے ایودھیا کے تحصیل سوہوال کے دھنی پور میں سنی وقف بورڈ کے لئے زمین دینے کا اعلان کیا ہے۔ اترپردیش حکومت نے مرکز کی یہ تجویز منظور کر لی ہے۔
