رامپور میں مارکیٹ کی چھوٹی بڑی دوکانوں سے لیکر ریستراں، مالس اور سنیما ہال تک مکمل طور پر بند رہے، وہیں سواری گاڑیاں اور ٹیکسی وغیرہ نہیں چلنے کی وجہ سے باہر سے آنے والے مسافروں کو کافی دشواریوں کا سامنا کرنا پڑا۔
کورونا وائرس سے حفاطت کے لئے وزیر اعظم نریدر مودی نے 22 مارچ کو 'جنتا کرفیو' کا اعلان کرنے کی اپیل کی تھی۔ وزیراعظم کی اپیل کو سنجیدگی سے لیتے ہوئے ملک کی عوام نے اپنی حمایت دیکر جنتا کروفیو کو کامیاب بنانے میں کوئی کسر نہیں چھوڑی۔
جنتا کروفیو کا اثر رامپور ضلع میں بھی بڑے پیمانے پر نظر آیا۔ یہاں بازاروں کی چھوٹی بڑی تمام دوکانیں مکمل طور پر بند رہیں۔ وہیں ہوٹل، ریستراں، مالس اور سنیما گھر بھی بند رہے۔ اس کے علاوہ شاہراہوں پر دو پہیا گاڑی سے لیکر بڑی گاڑی اور سواری گاڑیاں بھی مکمل طرو پر بند رہیں۔ جس کی وجہ سے باہر سے رامپور پہنچنے والے مسافروں کو کافی دشواریوں کا سامنا کرنا پڑا۔
مسافروں نے اپنے تاثرات کا اظہار کرتے ہوئے ہم سے کہا کہ آج کے بند کی وجہ سے ان کا سفر کافی دشواریوں بھرا رہا۔ انہوں نے کہ وہ یہاں رامپور اسٹیشن تو اتر گئے لیکن ان کے گھر جانے کے لئے کوئی سواری نہیں ہے۔
انہوں نے کہا کہ ان کے گھر والے جب اپنے گھر سے گاڑی لیکر ان کو لینے آ رہے تھے تو پولیس اہلکاروں نے ان کو ڈانٹکر واپس کر دیا۔ ساتھ ہی انہوں نے یہ بھی بتایا کہ پولیس اہلکار اسٹیشن پر بھی ان کو نہیں رکنے دے رہے ہیں۔ ایسے میں ان کی سمجھ میں نہیں آ رہا ہے کہ وہ کدھر جائیں۔
