ٹورنامنٹ کا افتتاح محکمہ کھیل کے ڈائریکٹر آر پی سنگھ نے کیا، 9 روزہ یہ کرکٹ ٹورنامنٹ لیگ کم ناک آؤٹ بیس ہوگا۔ اس میں کل 6 ٹیمیں حصہ لے رہی ہیں۔
ضلع بارہ بنکی سے کرکٹ میں بہترین کھلاڑی پیدا کرنے کے مقصد سے یہ ٹورنامنٹ گزشتہ 13 برسوں سے ہوتا آ رہا ہے۔ اس دفعہ یہ ٹورنامنٹ رنگین یونیفارم میں سفید لیدر کی بال سے کھیلا جائے گا۔
بارہ بنکی کرکٹ ایسوسی ایشن کے ضلع صدر ڈاکٹر جاوید کا دعویٰ ہے کہ' ان کی کوششوں سے ضلع میں لیدر بال کرکٹ کا دور واپس لوٹا ہے، ورنہ لوگ ٹینس بال کے آگے لیدر بال کو بھولتے جا رہے تھے۔
یہی وجہ ہے کہ ضلع کے چار کھلاڑی نیشنل کے لئے منتخب ہوئے ہیں، افتتاحی تقریب کے مہمان زک وقار محکمہ کھیل کے ڈائریکٹر آر پی سنگھ نے کھیل کے فروغ میں چودھری آصف علی میموریل انڈر 19 کرکٹ ٹورنامنٹ کی ستائش کی اور امید ظاہر کی ایسے ٹورنامنٹ سے بہترین کرکٹ کھلاڑی نکل کر سامنے آئیں گے۔
وہیں پروگرام کے مہمان خصوصی سابق ایم ایل سی ہرگووند سنگھ نے حکومت سے مطالبہ کیا کہ' کھیلوں کو سبجیکٹ کی طرح نصاب میں شامل کیا جانا چاہیے۔
