اترپردیش میں کورونا وائرس سے متاثر مریضوں کی تعداد میں مسلسل اضافہ ہوتا جا رہا ہے۔ یہاں 121 نئے معاملے سامنے آئے ہیں۔
آگرہ میں سب سے زیادہ 628، کانپور شہر میں 266، دارالحکومت لکھنؤ میں 226، سہارنپور میں 205، نوئیڈا میں 180، فیروزآباد میں 158،میرٹھ میں 139، مراد آباد میں 116، غازی آباد میں 94، بنارس میں 64، بلند شہر میں 55، رائے بریلی میں 44، بجنور میں 34، سیتا پور میں 20 کیسز ہیں۔ اترپردیش میں کورونا وائرس صوبہ کے 64 اضلاع تک پہنچ گیا ہے۔
ریاست میں کورونا وائرس سے مثبت افراد کی تعداد 2766 ہو گئی ہے۔ صوبے میں اب تک 802 مریض ڈسچارج کیے گئے ہیں۔
آگرہ سے 113، غازی آباد سے 50، نوئیڈا سے 102، میرٹھ سے 53، وارانسی سے 10، دارالحکومت لکھنؤ سے 71، اس کے علاوہ دوسرے اضلاع میں بھی ڈسچارج ہوئے ہیں۔
کورونا وائرس سے اتر پردیش میں اب تک 50 اموات ہوئی ہیں۔ کورونا ٹیسٹ کے لیے اب تک کل 98300 سیمپل بھیجے گئے ہیں، جن میں 94682 کی رپورٹ نیگیٹیو آئی ہے جبکہ 852 لوگوں کی رپورٹ کا انتظار ہے۔ جبکہ 10970 لوگوں کو انسٹیوشنل کوارنٹائن میں رکھا گیا ہے۔
یوپی حکومت کورونا وائرس کے پھیلاؤ کو روکنے کے لیے ہر ممکن کوشش کر رہی ہے لیکن بڑا مسئلہ ان لوگوں کے وجہ سے پیدا ہو سکتا ہے، جو دوسری ریاستوں سے مزدور اپنے گھروں کے لئے آ رہے ہیں۔ اگر یہاں پر تھوڑی بھی لاپرواہی ہوگئی تو کورونا وائرس گاؤں دیہاتوں میں بھی پھیل سکتا ہے، جس پر قابو پانا بہت مشکل ثابت ہوگا۔
